IBADAT MAIN DIL NA LAGNA
NAQSH NO 72 (IBADAT MAIN DIL NA LAGNA):
Hamara ye mozu un Afrad k liye hai jo Allah ka Qurb hasil karnay k liye ya
Duniavi Preshanion say nijaat k liye Ibadaat ka sahara letay hain lakin Namaz
aur deegar Ibadaat karnay k bawajud bhi unhen Dili Sakoon naseeb nahi hota aur
wo bayzaar ho kar Ibadat say doori ikhtiyar kar letay hain. Sochnay ki baat to
ye hai k Quran E Kareem ki roo say bhi Insan ko dil ka sakoon Ibadaat say hi
milta hai.
Bayshak Dilon ka sakoon Allah k zikar
main hai (Al-Quran).
Allah ki zaat nay jab khud farmaya k meri
ibadat main hi dil ka sakoon hai to phir ye kesay mumkin hai k Insan ibadaat
karnay k bawajud bhi ibadat ki lazzat ko mehsoos na kar sakay. Rohani Nuqta
nazar say Ibadat main dil na lagnay ki asal waja Insan k apnay Amaal aur Gunah
hain aur un hi gunahon ki Napak Lehrain Insan k gird har waqt aik Dairay ki
surat main gardish karti rehti hain.